बदलापूर : मुरबाड मतदार संघातील बदलापूर शिवसेना शहरप्रमुख वामन म्हात्रे यांनी विधानसभा निवडणुक अपक्ष लढवण्याचा निर्धार केला आहे,
महायुतीतर्फे विद्यमान आमदार किसन कथोरे यांना भाजपने उमेदवारी जाहीर केल्यानंतर मुरबाड मतदार संघात महायुतीत कुरबुरी वाढीस लागल्या असल्याचे पहावयास मिळते.
विद्यमान आमदार कथोरे यांना भाजपातर्फे उमेदवारी जाहीर होताच शिवसेना (शिंदे गट) ठाणे जिल्हा परिषदेचे माजी उपाध्यक्ष सुभाष पवार यांनी राष्ट्रवादी शरद पवार गटात प्रवेश केला. पवार यांच्या पाठोपाठ शहरप्रमुख आणि माजी नगराध्यक्ष म्हात्रे यांनी अपक्ष निवडणूक लढवण्याचे ठरवले आहे. येत्या 28 ऑक्टोबर रोजी म्हात्रे उमेदवारी अर्ज भरण्याची शक्यता आहे, यामुळे महायुतीमध्ये बंडखोरी वाढली आहे.