WPL 2024 चा सहावा सामना मुंबई इंडियन्स आणि यूपी वॉरियर्स यांच्यात 27 फेब्रुवारी रोजी बेंगळुरू येथील एम. चिन्नास्वामी स्टेडियमवर खेळवला जाईल. दोन्ही संघांचा हा तिसरा सामना असेल. WPL 2023 च्या चॅम्पियन, मुंबई इंडियन्सने दोन पैकी दोन सामने जिंकून त्यांच्या WPL 2024 मोहिमेची जोरदार सुरुवात केली आहे, तर यूपी वॉरियर्स या हंगामात अद्याप एकही विजय नोंदवू शकलेला नाही.
WPL मध्ये आमने सामने
मुंबई इंडियन्स आणि यूपी वॉरियर्स यांनी एकमेकांविरुद्ध तीन सामने खेळले आहेत, त्यापैकी मुंबई इंडियन्सने दोन जिंकले आहेत आणि यूपी वॉरियर्सने एक जिंकला आहे.
संघ
मुंबई इंडियन्स: हेली मॅथ्यूज, नॅट सिव्हर-ब्रंट, हरमनप्रीत कौर (कर्णधार), यास्तिका भाटिया (यष्टीरक्षक), अमेलिया कर, अमनजोत कौर, एस सजना, पूजा वस्त्राकर, शबनीम इस्माईल, कीर्थना बालकृष्णन, सायका इशाक, क्लोई ट्रायॉन, जिंतिमनी कलीता, अमनदीप कौर, हुमैरा काझी, इस्सी वोंग, प्रियांका बाला, फातिमा जाफर
यूपी वॉरियर्स: अलिसा हिली (कर्णधार आणि यष्टिरक्षक), वृंदा दिनेश, ताहलिया मॅकग्रा, ग्रेस हॅरिस, किरण नवगिरे, दीप्ती शर्मा, सोफी एकलस्टोन, श्वेता सेहरावत, राजेश्वरी गायकवाड, पूनम खेमनार, सायमा ठाकोर, अंजली सर्वानी, गौहर सुलताना, चमारी अटापाटु, लक्ष्मी यादव, डॅनियल वायट, सोप्पधंडी यशश्री
कुठल्या खेळाडूंवर लक्ष ठेवायचे
हरमनप्रीत कौर: WPL 2024 च्या पहिल्या दोन सामन्यांमध्ये मुंबई इंडियन्सची कर्णधार उत्कृष्ट फॉर्ममध्ये दिसली आहे. दिल्ली कॅपिटल्सविरुद्धच्या पहिल्या सामन्यात तिने 34 चेंडूत 55 धावांची सामना जिंकणारी खेळी खेळली आणि सामनावीराचा पुरस्कार पटकावला. तिने तिच्या दुसऱ्या सामन्यात गुजरात जायंट्सविरुद्ध नाबाद 46 धावा करून तिच्या संघाला विजय मिळवून दिला.
शबनिम इस्माईल: मुंबई इंडियन्सच्या उजव्या हाताच्या या वेगवान गोलंदाजाने पॉवरप्लेच्या आत नवीन चेंडूसह चांगली गोलंदाजी केली आहे. ती चांगल्या गतीने गोलंदाजी करते आणि तिच्या भेदक लाइन आणि लेन्थमुळे कोणत्याही फलंदाजाला त्रास देऊ शकते. तिने आतापर्यंतच्या दोन सामन्यांमध्ये चार विकेट्स घेतल्या आहेत.
श्वेता सेहरावत: यूपी वॉरियर्सची 20 वर्षीय मधल्या फळीतील फलंदाजाने दोन सामन्यांमध्ये तिच्या संघासाठी सर्वाधिक धावा केल्या आहेत. तिने 41 च्या सरासरीने आणि 121 च्या स्ट्राईक रेटने 76 धावा ठोकल्या आहेत. पाचव्या क्रमांकावर फलंदाजी करत तिने आतापर्यंत खेळल्या गेलेल्या दोन सामन्यांमध्ये सुरुवातीच्या विकेट्स गमावलेल्या तिच्या संघाच्या खराब खेळीला स्थिरता दिली.
सोफी एकलस्टोन: इंग्लंडची ही डावखुरी फिरकीपटू महिलांच्या आंतरराष्ट्रीय टी-20 आणि एकदिवसीय क्रिकेटमध्ये प्रथम क्रमांकावर आहे. तिच्या क्षमतेबद्दल काही शंका नाही. या हंगामात ती अद्याप इतकी चमकली नाही. दोन सामन्यांत तिने दोन विकेट्स घेतल्या आहेत. तथापि, यूपी वॉरियर्सला त्यांच्या या अव्वल दर्जेच्या गोलंदाजाकडून, जी डावाच्या कोणत्याही टप्प्यात गोलंदाजी करू शकते, खूप अपेक्षा असतील.
हवामान
सुमारे 22 अंश सेल्सिअस तापमानासह हवामान थंड राहील. 11% ढगांचे आच्छादन असेल आणि पावसाची शक्यता नाही. आर्द्रता 37% राहील.
खेळपट्टी
फलंदाजीसाठी परिस्थिती अनुकूल राहील. उच्च-धावसंख्येच्या स्पर्धेची अपेक्षा करा. तथापि, डावाच्या सुरुवातीच्या काळात वेगवान गोलंदाजांना नवीन चेंडूसह काही मदत होऊ शकते आणि नंतर, जेव्हा चेंडू थोडा जुना होता तेव्हा फिरकीपटू यांची भूमिका महत्वाची असू शकते.
सामन्याची थोडक्यात माहिती
तारीख: 28 फेब्रुवारी 2024
वेळ: संध्याकाळी 7:30 वाजता
स्थळ: एम. चिन्नास्वामी स्टेडियम, बेंगळुरू
प्रसारण: जिओ सिनेमा, स्पोर्ट्स 18