ठाणे: ठाण्यात ‘क्रेडाई एमसीएचआय’च्या वतीने ३ ते ६ फेब्रुवारीपर्यंत ‘प्राॅपर्टी २०२३ ठाणे’ या मेळाव्याचे आयोजन करण्यात येणार आहे.
पोखरण रोड क्रमांक १ येथील रेमंड मैदानात मेळावा होणार असून त्याचे उद्घाटन मुख्यमंत्री एकनाथ शिंदे यांच्या हस्ते केले जाणार असल्याची माहिती क्रेडाई एमसीएचआयचे अध्यक्ष जितेंद्र मेहता यांनी दिली.
ठाणे शहरात गेल्याकाही वर्षांपासून मोठे बांधकाम प्रकल्प उभे राहिले आहेत. त्याची माहिती क्रेडाई एमसीएचआयच्या वतीने ठाण्यात देण्यात आली. नागरिकांना स्वप्नातली घरे किफायतशीर किमतीत मिळावीत यासाठी क्रेडाई एससीएचआयच्या वतीने ३ ते ६ फेब्रुवारी या दिवसांत रेमंड मैदानात प्राॅपर्टी २०२३ ठाणे मेळावा घेण्यात येणार आहे. सकाळी ११ ते सायंकाळी ७.३० वाजतापर्यंत हा मेळावा सर्वांसाठी विनामूल्य पाहता येणार आहे. हा २० वा प्राॅपर्टी मेळावा असल्याचे क्रेडाई एमसीएचआयचे अध्यक्ष जितेंद्र मेहता यांनी सांगितले. हे प्रदर्शन आपल्या स्वप्नातील घरांची परिपूर्ती करणारे असेल, अशा विश्वास संस्थेचे सचिव मनिष खंडेलवाल यांनी व्यक्त केला.
