आयसीसी महिला टी-२० विश्वचषक स्पर्धेच्या या नवव्या आवृत्तीतील १०वा सामना खेळण्यासाठी ‘अ’ गटातील अव्वल दोन संघ, ऑस्ट्रेलिया आणि न्यूझीलंड मंगळवारी शारजाह येथे आमनेसामने येतील. दोन्ही संघांनी त्यांच्या मोहिमेची सुरुवात दमदार केली आहे. ऑस्ट्रेलियाने श्रीलंकेचा सहा गडी राखून पराभव केला, तर न्यूझीलंडने भारतावर ५८ धावांनी मात केली. या टी-२० विश्वचषकापूर्वी, ऑस्ट्रेलिया आणि न्यूझीलंड यांच्यात तीन सामन्यांची टी-२० मालिका खेळली गेली, जी ऑस्ट्रेलियाने त्यांच्याच मातीवर ३-० अशा फरकाने जिंकली.
आमने-सामने
ऑस्ट्रेलिया आणि न्यूझीलंड यांनी एकमेकांविरुद्ध ५१ आंतराष्ट्रीय टी-२० सामने खेळले आहेत, ज्यापैकी ऑस्ट्रेलियाने २८ जिंकले आहेत आणि न्यूझीलंडने २१ जिंकले आहेत. टी-२० विश्वचषकामध्ये, न्यूझीलंडविरुद्ध खेळताना ऑस्ट्रेलिया, सातपैकी चार सामन्यांत विजयी झाला आहे.
संघ
ऑस्ट्रेलिया: ॲलिसा हिली (कर्णधार), डार्सी ब्राउन, ऍशले गार्डनर, किम गार्थ, ग्रेस हॅरिस, अलाना किंग, फीबी लिचफिल्ड, ताहलिया मॅकग्रा, सोफी मोलिनी, बेथ मूनी, एलिस पेरी, मेगन शुट, ॲनाबेल सदरलँड, टायला व्लामिंक, जॉर्जिया वेअरहॅम
न्यूझीलंड: सोफी डीवाईन (कर्णधार), सुझी बेट्स, ईडन कार्सन, इझी गेज, मॅडी ग्रीन, ब्रुक हॅलिडे, फ्रॅन जोनास, लेह कॅस्परेक, अमिलिया कर, जेस कर, रोझमेरी मायर, मॉली पेनफोल्ड, जॉर्जिया प्लिमर, हॅन्ना रोव, लिया ताहुहू
कुठल्या खेळाडूंवर लक्ष ठेवायचे
बेथ मूनी: ऑस्ट्रेलियाच्या या डावखुऱ्या सलामीच्या फलंदाजाने तिच्या मागील सामन्यात श्रीलंकेविरुद्ध शानदार खेळी केली. तिने ३८ चेंडूत नाबाद ४३ धावा केल्या. त्या डावात चार चौकारांचा समावेश होता. तिने धावांचा पाठलाग करण्याची पूर्ण जबाबदारी घेतली होती.
मेगन शुट: ऑस्ट्रेलियाच्या या उजव्या हाताच्या वेगवान सनसनाटीने श्रीलंकेविरुद्धच्या मागील सामन्यात तिच्या चमकदार गोलंदाजीच्या कामगिरीसाठी सामनावीराचा पुरस्कार जिंकला. तिने टिकजय संघासाठी गोलंदाजीची सुरुवात केली. तिने चार षटकांत केवळ १२ धावा दिल्या आणि तीन विकेट्स पटकावल्या. त्या चार षटकांत एका निर्धाव षटकाचा (मेडन) समावेश होता.
सोफी डीवाईन: न्यूझीलंडच्या कर्णधाराने तिच्या मागील सामन्यात भारताविरुद्ध शानदार अर्धशतक ठोकले. चौथ्या क्रमांकावर फलंदाजी करताना तिने आपल्या आक्रमक खेळीने भारतीय गोलंदाजांचा धुव्वा उडवला.
रोझमेरी मायर: न्यूझीलंडच्या या उजव्या हाताच्या मध्यमगती गोलंदाजाने चेंडूने अक्षरशः कहर केला. तिने मागील सामन्यात भारताविरुद्ध तिच्या आंतराष्ट्रीय टी-२० कारकिर्दीतील सर्वोत्तम आकडे नोंदवले. तिने १९ धावा देऊन चार विकेट्स घेतल्या. तिच्या सर्व विकेट डावाच्या वेगवेगळ्या टप्प्यात आल्या ज्यावरून ती एक अष्टपैलू टी-२० गोलंदाज असल्याचे दर्शवते.
हवामान
सुमारे ३० अंश सेल्सिअस तापमानासह हवामान उबदार राहण्याची अपेक्षा आहे. आर्द्रता 5५% असेल.
सामन्याची थोडक्यात माहिती
तारीख: ८ ऑक्टोबर २०२४
वेळ: संध्याकाळी ७:३० वाजता
स्थळ: शारजाह क्रिकेट स्टेडियम
प्रसारण: स्टार स्पोर्ट्स नेटवर्क, डिस्नी + हॉटस्टार