चार वर्षांनंतर इंग्लंडचा महिला क्रिकेट संघ तीन सामन्यांच्या टी-20 मालिकेसाठी आणि त्यानंतर एक कसोटी सामन्यासाठी भारतात आला आहे. 6, 9 आणि 10 डिसेंबर रोजी मुंबईतील वानखेडे स्टेडियमवर टी-20 खेळले जातील आणि 14 ते 17 डिसेंबर दरम्यान नवी मुंबईतील डॉ डी वाय पाटील स्पोर्ट्स अकादमीमध्ये कसोटी खेळली जाईल. 2014 नंतर पहिल्यांदाच भारतात महिलांचा कसोटी सामना होणार आहे.
हे दोन्ही संघ 2019 मध्ये एकमेकांविरुद्ध भारतात शेवटची टी-20 मालिका खेळले होते आणि तेव्हा इंग्लंडने 3-0 अशा फरकाने बाजी मारली होती. काय भारत त्या पराभवाचा बदला घेईल?
संघ
भारत: हरमनप्रीत कौर (कर्णधार), स्मृती मानधना (उपकर्णधार), जेमिमाह रॉड्रिग्स, शफाली वर्मा, दीप्ती शर्मा, यास्तिका भाटिया (यष्टीरक्षक), ऋचा घोष (यष्टीरक्षक), अमनजोत कौर, श्रेयंका पाटील, मन्नत कश्यप, सायका इशाक, रेणुका ठाकूर, तीतस साधू, पूजा वस्त्राकार, कनिका आहुजा, मिन्नू मणी.
इंग्लंड: हेदर नाइट (कर्णधार), लॉरेन बेल, माईया बौचियर, अॅलिस कॅप्सी, चार्ली डीन, सोफिया डंकले, सोफी एकलस्टन, महिका गौर, डॅनियल गिब्सन, सारा ग्लेन, बेस हीथ, एमी जोन्स, फ्रेया केम्प, नॅट सिव्हर-ब्रंट, डॅनियल वायट.
टी-२० क्रिकेट मध्ये भारत आणि इंग्लंड आमने सामने
भारत आणि इंग्लंड यांच्यात 27 टी-20 सामने खेळले गेले आहेत, ज्यापैकी भारताने सात जिंकले आहेत आणि इंग्लंडने 20 जिंकले आहेत. भारतात त्यांनी नऊ टी-20 सामने खेळले असून, भारताने दोन आणि इंग्लंडने सात जिंकले आहेत. दोन्ही संघांमधील गेल्या पाच सामन्यांपैकी भारताने दोन आणि इंग्लंडने तीन जिंकले आहेत.
| भारत | इंग्लंड | |
| आयसीसी टी-20 रँकिंग | 4 | 2 |
| टी-20 क्रिकेट मध्ये आमने सामने | 7 | 20 |
| भारतात | 2 | 7 |
| शेवटच्या 5 टी-20 सामन्यांमध्ये | 2 | 3 |
कुठल्या खेळाडूंवर लक्ष ठेवायचे
स्मृती मानधना: भारताची स्टायलिश डाव्या हाताची सलामीची फलंदाज ही जागतिक क्रमवारीत 3 व्या क्रमांकाची टी-20 फलंदाज आहे. जगभरात टी-20 खेळण्याचा भरपूर अनुभव असल्याने तिच्याकडून भारताला चांगली सुरुवात मिळेल अशी अपेक्षा आहे. 122 सामन्यांमध्ये तिने 22 अर्धशतकांसह 2934 धावा केल्या आहेत.
दीप्ती शर्मा: भारताची प्रतिभावान अष्टपैलू ही बॅट किंवा बॉलने खरी मॅच विनर आहे. ती टी-20 मध्ये जगातील चौथ्या क्रमांकाची गोलंदाज आहे. एक ऑफ स्पिनर म्हणून ती डावाच्या कोणत्याही टप्प्यात गोलंदाजी करू शकते. तिने 98 सामन्यात 106 विकेट्स घेतल्या आहेत आणि 956 धावा केल्या आहेत.
नॅट सिव्हर-ब्रंट: ही इंग्लंडची अष्टपैलू तिच्या संघासाठी एकट्याने सामने जिंकण्यास सक्षम आहे. ती क्रमवारीत वरच्या क्रमांकावर फलंदाजी करते आणि उजव्या हाताने मध्यमगती गोलंदाजी करते. तिच्या 111 टी-20 सामन्यांमध्ये, तिने 115 च्या स्ट्राइक रेटने 2230 धावा ठोकल्या आहेत आणि 81 विकेट्स पटकावल्या आहेत.
सोफी एकलस्टन: इंग्लंडची उंच लेफ्ट आर्म स्पिनर ही जगातील नंबर 1 T20I गोलंदाज आहे. या 24 वर्षीय खेळाडूने 73 सामन्यात 102 विकेट्स घेतल्या आहेत. ती चांगल्या गतीने गोलंदाजी करते आणि योग्य लाईन आणि लेन्थवर चेंडू टाकते.
खेळपट्टी आणि खेळण्याची परिस्थिती
या ठिकाणी आजपर्यंत फक्त एक आंतरराष्ट्रीय महिला टी -20 सामना आयोजित केला गेला आहे. 2016 मध्ये आयसीसी महिला टी- 20 विश्वचषका दरम्यान वेस्ट इंडिजने 20 षटकात 143 धावा करून न्यूझीलंडचा सात धावांनी पराभव केला होता. ऐतिहासिकदृष्ट्या, वानखेडे स्टेडियममधील लाल मातीची खेळपट्टी फलंदाज आणि गोलंदाजांना मदत करते. उच्च स्कोअरिंग चकमकीची अपेक्षा आहे. मात्र मंद वाऱ्याची झुळूक गोलंदाजांना उपयुक्त ठरू शकते.
हवामान
हवामान उबदार राहण्याची अपेक्षा आहे. संध्याकाळी तापमान 26 अंश सेल्सिअसच्या आसपास राहील. 1% पावसाची शक्यता आणि 8% ढगांचे आच्छादन असेल. उत्तर-ईशान्येकडून वारे वाहतील.
सामन्याची थोडक्यात माहिती
तारीख: 6 डिसेंबर 2023
वेळ: सायंकाळी ७:०० वाजता
स्थळ: वानखेडे स्टेडियम, मुंबई
प्रसारण: जिओ सिनेमा, स्पोर्ट्स 18