ठाणे : कशिष पार्कजवळ मॉडेला कंपनीची 50 फूट लांबीची भिंत कोसळून दोन महिला जखमी झाल्या आहेत.
मंगळवारी दुपारी 12:40 च्या सुमारास काशिष पार्कजवळ मॉडेला कंपनीची 50 फूट लांबीची भिंत कोसळली आहे. या घटनेत दोन महिला किरकोळ जखमी झाल्या आहेत. सुनीता गुप्ता (34) व सरस्वती आचार्य (65) दोघीही राहणार मॉडेला वसाहत अशी त्या महिलांची नावे आहेत. जखमी महिलांना टी-वॉर्ड हॉस्पिटल मुलुंड येथे उपचारासाठी दाखल करण्यात आले आहे.
घटनास्थळी आपत्ती व्यवस्थापन अधिकारी व कर्मचारी 1- बाईक ऍम्ब्युलन्स, 2-पीकअप वाहनासह, सहाय्यक आयुक्त व कार्यकारी अभियंता उपस्थित होते.